NGGUYU NGGEGREK : USTADZ GAPTEK

USTADZ GAPTEK

Rampung aweh tausyiah, si Ustadz njutan aweh wektu kanggo jama'ahe, mbokan ana prekara sing agepan detakokna...

JAMA'AH : "Ustadz, kepripun ukume tiyang nggeluti 'dunia maya' ?".

USTADZ : "Ari si Maya kuwe udu muhrime, cetha ukume HARAM...!!!".

JAMA'AH : "Nyuwun ngapunten, Maya niku sanes tiyang estri, Ustadz..!".

USTADZ : "Apamaning koh kayakuwe..!. Nggeluti padhadene wong lanang, ora liya-liya ya neraka jahanam kuwe papan dununge..!".

JAMA'AH : "Maya niku sanes tiyang jaler napadene estri, Ustadz... Amargi piyambakipun niku mboten gadhah WUJUD...!".

USTADZ : "Astaghfirulloh... Kuwe jenenge wis sekutu kambi syaiton, cetha-cetha musyrik kuwe...!!!".

GEDHUBRAAAGG...!!!

krungu wangsulane si Ustadz sing kayakuwe, si Jama'ah sekal njimprak kagét, kosi tiba kejengkang ngathang-ngathang...

He...he...he...

kabare BRALINK
tabloide wong Purbalingga
(de-Banyumasaken sekang crita krimane mba Lina A Priyanto)

Kabare Brlaink / Agus Waluyo

Foto : www.asaarham.blogspot.com